இரண்டு வினாடி காட்சிக்கு இரண்டு விமானத்தில் பயணம் - 'தர்பார்’ வள்ளி

'தர்பார்' படத்தில் வள்ளி கதாபாத்திரத்தில் நடித்த நிவேதா தாமஸ் படம் குறித்த தனது கருத்து ஒன்றை சமூகவலைதளத்தில் பதிவிட்டுள்ளார்

நடிகர் ரஜினிகாந்த் மற்றும் நயன்தாரா நடிப்பில் கடந்த ஒன்பதாம் தேதி முருகதாஸ் இயக்கத்தில் வெளியான தர்பார் திரைப்படம் நாடு முழுவதும் ரஜினியின் ரசிகர்கள் மத்தியில் நல்ல வரவேற்பையும் மக்கள் மத்தியில் கலவையான விமர்சனங்களையும் பெற்றுவருகிறது.

இந்நிலையில் இப்படதில் ரஜினிக்கு மகளாக நடித்த நிவேதா தாமஸ் தனது சமூகவலைதளப்பக்கத்தில் கருத்து ஒன்றை பதிவிட்டுள்ளார். அதில், ’இந்த படத்தில் இரண்டு வினாடிகள் உள்ள ஒரு காட்சிக்காக இரண்டு விமானங்களில் பயணித்து ஒரு மணிநேர செலவு செய்து இரவு பகல் தங்கி படப்பிடிப்பை நடத்தியுள்ளோம்.

படப்பிடிப்பு என்பது மக்கள், உபகரணங்கள்,மேலாண்மை, திட்டமிடல் உள்ளிட்டவைகளை உள்ளடக்கியது. ஒரு படத்தில் நடிகர், நடிகைகள், தொழில்நுட்ப குழுக்கள் கடினமாக உழைத்துள்ளது. ஒரு படத்தை கிளிஷே என்று சொல்வது எளிது. அதற்கு முன்பு அவர்களது உழைப்பு குறித்து சற்று சிந்தித்து பாருங்கள். ஒரு படத்தை அனுபவத்தின் மூலம் ரசிக்கலாம். உங்களது வார்த்தைகள் ஒவ்வொன்றும் அந்த படத்திற்கு முக்கியமானது’ என்று குறிப்பிட்டுள்ளார்.

இதையும் வாசிங்க: ’நடவடிக்கை எடுக்கவில்லை என்றால் ‘தர்பார்’ ஓடும் திரையரங்குகள் முன்பு போராட்டம்’