சிவாஜி கணேசன், பார்த்திபனுக்கு அடுத்து சோழ மன்னனாகத் தோன்றும் விமல்!

சோழ மன்னனாக பலர் நடித்திருந்தாலும் 'ராஜ ராஜ சோழன்' படத்தில் நடித்த சிவாஜி கணேசன், 'ஆயிரத்தில் ஒருவன்' படத்தில் சோழ மன்னனாகத் தோன்றிய பார்த்திபனை அவ்வளவு எளிதாக யாராலும் மறக்க முடியாது. அந்த வரிசையில் தற்போது நடிகர் விமலும் இணையவிருக்கிறார்.

சென்னை: 'சோழநாட்டான்' என்ற படத்தில் சோழ மன்னன் வேடத்தில் நடிகர் விமல் நடிக்கவுள்ளதாகத் தகவல்கள் தெரிவிக்கின்றன.

தமிழ் சினிமாவில் பண்டைய காலத்து மன்னர்களாகத் தோன்றியவர்களின் கதாபாத்திரம் எவர்கிரீனாக ரசிகர்கள் மனதில் பதிந்துள்ளது. அந்த வகையில் எம்ஜிஆர் முதல் மன்னனாகத் தோன்றிய வடிவேலு வரை, அனைத்து கதாபாத்திரங்களும் ரசிகர்களை வெகுவாகக் கவர்ந்தது.

இந்த நிலையில், 'சோழநாட்டான்' என்று இடம்பெறும் பிளாஷ்பேக் காட்சிகளில் சோழ மன்னனாகத் தோன்றவுள்ளாராம் நடிகர் விமல். அவரது மனைவியாக 'தெலுங்கு நடிகை கரோன்யா கேத்ரின்' நடிக்கிறார். இதன் படப்பிடிப்பு தஞ்சை பகுதியில் படமாக்கப்பட்டு வருவதாகக் கூறப்படுகிறது.

ரஞ்சித் கண்ணா இயக்கும் இந்தப் படத்தை ஆக்‌ஷன் கலந்த த்ரில்லர் படமாக உருவாக்கி வருகிறார்கள்.

ஏற்கனவே சோழ மன்னராக 'ராஜ ராஜ சோழன்' பட சிவாஜி கணேசன், 'ஆயிரத்தில் ஒருவன்' பார்த்திபன் கதாபாத்திரங்கள் மனதில் நீங்காதவையாக உள்ளன.

மேலும், மணிரத்னம் தற்போது இயக்கவுள்ள 'பொன்னியின் செல்வன்' படத்தில் நடிகர்கள் கார்த்தி, விக்ரம், ஜெயம் ரவி ஆகியோர் சோழ மன்னர்களாகத் தோன்றவுள்ளதாகக் கூறப்படுகிறது.

இதையடுத்து தற்போது விமலும் சோழ மன்னன் கதாபாத்திரத்தில் நடிக்கிறார்.

இதையும் படிங்க: