சிம்புவின் 'மாநாடு': ட்ரெய்லர் வெளியாகும் தேதி அறிவிப்பு

சிம்பு நடிப்பில் உருவாகியுள்ள 'மாநாடு' படத்தின் ட்ரெய்லர் வெளியாகும் தேதி தற்போது அறிவிக்கப்பட்டுள்ளது.

வெங்கட் பிரபு இயக்கத்தில், சுரேஷ் காமாட்சி தயாரிப்பில் உருவாகியுள்ள 'மாநாடு' படத்தில் சிம்பு ஹீரோவாக நடித்துள்ளார்.

இவருடன் கல்யாணி பிரியதர்ஷன், எஸ்.ஜே. சூர்யா, பாரதிராஜா, உதயா, பிரேம்ஜி எனப் பலர் நடித்துள்ளனர். இப்படத்தின் படப்பிடிப்பு அனைத்தும் நிறைவடைந்த நிலையில், போஸ்ட் புரொடக்‌ஷன் பணிகள் விறுவிறுப்பாக நடைபெற்றுவருகின்றன.

'மாநாடு' தீபாவளி வெளியீடாக நவம்பர் 4ஆம் தேதி வெளியாகும் என படக்குழு சமீபத்தில் அறிவித்தது. ஏற்கனவே இப்படத்தின் டீசர், ஃபர்ஸ்ட் சிங்கிள் வெளியாகி ரசிகர்கள் மத்தியில் நல்ல வரவேற்பை பெற்றிருந்த நிலையில், தற்போது ட்ரெய்லர் வெளியாகும் தேதி அறிவிக்கப்பட்டுள்ளது.

அதன்படி, காந்தி ஜெயந்தி தினமான அக்டோபர் 2ஆம் தேதி 'மாநாடு' படத்தின் ட்ரெய்லர் வெளியாகும் என படக்குழு அதிகாரப்பூர்வமாக அறிவித்துள்ளது. இந்த அறிவிப்பையடுத்து சிம்பு ரசிகர்கள் மகிழ்ச்சி அடைந்துள்ளனர்.