பிரபல கண் மருத்துவமனையை திறந்து வைத்தார் சந்தானம்!

அகர்வால் கண் மருத்துவமனையின் புதிய அம்பத்தூர் கிளையை நடிகர் சந்தானம் தொடங்கி வைத்தார்.

அகர்வால் கண் மருத்துவமனையின் புதிய கிளை திறப்பு விழா சென்னை அம்பத்தூரில் இன்று நடைபெற்றது. இந்த கிளையை நடிகர் சந்தானம் ரிப்பன் வெட்டி தொடங்கி வைத்தார். இதனைத்தொடர்ந்து மருத்துவமனையை சுற்றி பார்த்த சந்தானம், கண் பரிசோதனை செய்யும் இயந்திரத்தில் அமர்ந்து மருத்துவம் பார்ப்பது குறித்து கேட்டறிந்தார்.

பின்னர் நிகழ்ச்சியில் பேசிய அவர், "100 பேருக்கு இலவசமாக கண் அறுவை சிகிச்சை செய்வது வரவேற்கதக்க விஷயம். இதில் எனது ரசிகர்களும் பயனடைவார்கள்" என்றார்.

இதன் பின்னர் பேசிய அகர்வால் கண் மருத்துவமனை தலைமை செயலாக்க அலுவலர் அகர்வால், "இந்த கண் மருத்துவமனையில் பல்வேறு நவீன வசதிகள் உள்ளன. குறிப்பாக அகர்வால் மருத்துவமனையில் அனைத்திலும் நோயாளிகளுக்கு கண் அறுவை சிகிச்சை அளிப்பதை, அவர்களது உறவினர்கள் அருகில் இருந்து பார்க்கலாம். இது இந்தியாவில் முதல் முறை. அம்பத்தூர் கிளை திறப்பை முன்னிட்டு அந்தப் பகுதியில் நலிவடைந்த மற்றும் வசதியற்ற 100 பேருக்கு இலவசமாக கண் அறுவை சிகிச்சை அளிக்க உள்ளோம்" என்றார்.