சூப்பர் ஸ்டார் ரஜினிகாந்த் நடிப்பில் ஏ.ஆர். முருகதாஸ் இயக்கத்தில் லைகா புரொடக்ஷன் தயாரித்துவரும் படம்தான் 'தர்பார்'. இப்படம் ரஜினிக்கு 166ஆவது படமாகும். இப்படத்தின் இரண்டாம்கட்ட படப்பிடிப்பு தற்போது விறுவிறுப்பாக நடைபெற்றுவருகிறது.
பெரும் பொருட்செலவில் உருவாகிவரும் இப்படத்தில் நயன்தாரா, யோகி பாபு, நிவேதா தாமஸ், சுனில் ஷெட்டி, பிரதீப் உள்ளிட்ட பல நட்சத்திரங்கள் நடித்துவருகின்றனர்.
இப்படத்தின் ஃபர்ஸ்ட் லுக் போஸ்டர் ரசிகர்கள் மத்தியில் பெரும் வரவேற்பைப் பெற்ற நிலையில் 'தர்பார்' படப்பிடிப்பின்போது எடுக்கப்பட்ட புகைப்படங்கள் இணையத்தில் வெளியாகிவைரலானது.
படப்பிடிப்பின்போது கட்டுப்பாடுகள் அதிகரித்திருந்த நிலையிலும் புகைப்படங்கள் வெளியானது படக்குழுவினர் மத்தியில் பெரும் அதிர்ச்சியை ஏற்படுத்தியது. ஆனால், இப்படம் குறித்து ரசிகர்களின் எதிர்பார்ப்பு அதிகரித்துள்ளது.
இந்நிலையில் இயக்குநர் ஏ.ஆர். முருகதாஸ் இப்படம் குறித்த புது அப்டேட் இன்று மாலை 6 மணிக்கு வெளியாகும் என தனது ட்விட்டர் பக்கத்தில் பதிவிட்டுள்ளார். ஏற்கனவே காவல் துறை உடையில் படுமாஸாக இருக்கும் ரஜினியின் புகைப்படம் இணையத்தில் கலக்கிவந்த நிலையில், அடுத்த அப்டேட் என்ன என்று தெரிந்துகொள்ள ரசிகர்கள் மிகுந்த ஆர்வத்தில் உள்ளனர்.