பாலிவுட் திரையுலகில் முன்னணி நடிகைகளில் ஒருவர் கங்கனா ரணாவத். இவர் தமிழில் ’தாம்தூம்’ திரைப்படத்தில் நடிகர் ஜெயம் ரவிக்கு ஜோடியாக நடித்தவர்.
நடிகர் சுஷாந்த் சிங் ராஜ்புத்தின் மரணத்தைத் தொடர்ந்து, மீண்டும் பாலிவுட் திரையுலகில் வாரிசுகள் செலுத்தும் ஆதிக்கம் குறித்து பேசத் தொடங்கிய கங்கனா, சமூக வலைத்தளங்களில் பெரும் பரபரப்பை ஏற்படுத்தினார். இந்நிலையில், தற்போது அவர் மீண்டும் படப்பிடிப்புக்குத் திரும்பியுள்ளதை அடுத்து ’இதுதான் உண்மையான போதை’ என்று ட்வீட் செய்துள்ளார்.
இது குறித்து கங்கனா தனது ட்விட்டர் பக்கத்தில், "மீண்டும் படப்பிடிப்பிற்குத் திரும்பியுள்ளது உண்மையான போதை. ஒரு மாற்று உலகத்தை உண்மை என இந்த விளக்குகளும் கேமராவும்நம்ப வைக்கும்" என்று பதிவிட்டுள்ளார்.