'எதையும் பிளான் பண்ணி பண்ணணும்'- படப்பிடிப்புக்குத் தயாராகும் அக்ஷய் குமாரின் 'பெல் பாட்டம்'

மகாராஷ்டிர மாநிலத்தில் திரைப்பட படப்பிடிப்புக்கு அனுமதி அளித்ததைத் தொடர்ந்து அக்ஷய்குமார் நடிப்பில் உருவாகிவரும் 'பெல் பாட்டம்' திரைப்படத்தின் படப்பிடிப்புக்கான பணிகள் தொடங்கியுள்ளன‌.

திரைப்படம், தொலைக்காட்சி தொடர்களின் படப்பிடிப்புக்கு மகாராஷ்டிர மாநில அரசு அனுமதி அளித்துள்ளது. இந்நிலையில் நடிகர் அக்ஷய்குமார் திரைப்பட படப்பிடிப்புக்கான பணியைத் தொடங்க உள்ளார். அதன்படி அவரது அடுத்த திரைப்படமான 'பெல் பாட்டம்' படத்தின் படப்பிடிப்பு லண்டனில் நடத்த திட்டமிடப்பட்டிருந்தது.

அரசு வரையறுத்த நெறிமுறைகளின்படி திரைப்படங்களை இயக்க இயக்குனர்களும் தயாரிப்பாளர்களும் போராடிக்கொண்டிருக்க சரியான திட்டமிடல் மூலம் 'பெல் பாட்டம்' திரைப்படத்துக்கான படப்பிடிப்பை நடத்த படக்குழு தயார் நிலையில் உள்ளது.