இராணுவ வீரர்களுடன் தீபாவளி கொண்டாடிய ஈடிவி பாரத்!

உத்தரப் பிரதேசம் லக்னோவில் உள்ள மோகன்லால்கஞ்ச் முகாமில், இந்திய-திபெத் எல்லை பாதுகாப்பு படை (ஐடிபிபி) இராணுவ வீரர்களுடன் தீபாவளி பண்டிகையை ஈடிவி பாரத் கொண்டாடியது.

லக்னோ:பண்டிகை காலத்தில் ஒவ்வொருவரும் தனது குடும்பத்தினர் அல்லது அன்பானவர்களுடன் தங்களின் நேரத்தை செலவிடுவார்கள். ஆனால் இராணுவ வீரர்கள் தேச பாதுகாப்பு முதல் திருவிழா, பேரழிவு என எது வந்தாலும் இரவும்-பகலும் அயராது உழைக்கின்றனர்.

இந்த இராணுவ வீரர்களுக்கு நன்றி தெரிவிக்கவும், அவர்கள் குறித்து மேலும் அறிந்து கொள்ளவும், உத்தரப் பிரதேசம், லக்னோவில் உள்ள மோகன்லால்கஞ்ச் இந்திய திபெத் எல்லை பாதுகாப்பு படை (ஐடிபிபி) முகாமுக்கு ஈடிவி பாரத் குழுவினர் சென்றனர்.

அங்கு, “ஹிம்வீர்” எனப்படும் தீபாவளியை ஈடிவி பாரத் குழுவினர் இராணுவ வீரர்களுடன் இணைந்து கொண்டாடினார்கள். இராணுவ வீரர்கள் ஆடல், பாடலுடன் கொண்டாட்டங்களும், வேண்டுதல்களும் நடத்தினார்கள்.

அங்கு நடந்த கலாசார நிகழ்ச்சியில், நமது வீரர்கள் கலந்துகொண்டு ஆடி, பாடி தங்களின் திறமையை வெளிப்படுத்தினார்கள். “நாட்டு மக்களுக்கு இனிய தீபாவளி வாழ்த்து”களையும் தெரிவித்துக் கொண்டனர்.

நாட்டின் பாதுகாப்பிற்காக தங்களின் குடும்பத்தை பிரிந்து வெகுதொலைவில் இருந்த போதிலும், அங்கு ஒருவருக்கொருவர் பரஸ்பரம் அன்பாக, வாழ்த்துகள் தெரிவித்து, ஆடல்-பாடல் என நடனமாடி பண்டிகைகளை கொண்டாடுவதை காணமுடிந்தது.

இதையும் படிங்க: ஸ்ரீ ராமருக்கு ஆரத்தி எடுத்த இஸ்லாமிய பெண்கள்!