திருநெல்வேலி மாவட்டம் பழையபேட்டையை அடுத்த சர்தார் புரத்தைச் சேர்ந்தவர் சுடலை. ஆட்டோ ஓட்டுநரான இவர், மே 3ஆம் தேதி இரவு நெல்லை டவுன் ஆர்ச் அருகே அடையாளம் தெரியாத நபர்களால் வெட்டிப்படுகொலை செய்யப்பட்டார்.
இந்தச் சம்பவம் தொடர்பாக டவுன் காவல் துறை தனிப்படை அமைத்து விசாரித்த வந்த நிலையில், கண்காணிப்புக் கேமரா காட்சிகள் மூலம் இரண்டு பேர் கைது செய்யப்பட்டுள்ளனர். இதில் திருநெல்வேலி சர்தார் புரத்தைச் சேர்ந்த முருகன் என்ற பெயரையுடைய இருவர் சேர்ந்து, சுடலையை வெட்டிக்கொலை செய்தது, விசாரணையில் தெரியவந்தது. இருவரும், தற்போது பாளையங்கோட்டை மத்திய சிறையில் அடைக்கப்பட்டுள்ளனர்.
நெல்லை ஆட்டோ ஒட்டுநர் கொலை சம்பவம்: பதறவைக்கும் சிசிடிவி காட்சி!