வேலூர் மாவட்டத்தில் அரிசி கடத்தல் சம்பவங்கள் அதிகரித்துவருவதைத் தடுக்க, கடத்தல் குறித்து பொதுமக்கள் தகவல் தெரிவிக்கும்படி, அம்மாவட்ட ஆட்சியர் சண்முக சுந்தரம் சில தினங்களுக்கு முன்பு கூறியிருந்தார்.
இதற்காக, மாவட்ட ஆட்சியர் அலுவலக புகார் எண், மாவட்ட வட்ட வழங்கல் அலுவலரின் எண், வட்ட வழங்கல் துறை அலுவலக எண் ஆகியவற்றை ஊடகங்கள் வாயிலாக வெளியிட்டிருந்தார்.
இந்த நிலையில், இன்று (அக். 10) மாலையில், லாரியில் அரிசி கடத்தப்படுவதாக மாவட்ட வட்ட வழங்கல் அலுவலர் பானுவிற்கு (DSO) தொலைபேசி மூலம் தகவல் கிடைத்தது. இதனையடுத்து பானு தலைமையில் பறக்கும் படை வட்டாட்சியர் கோடீஸ்வரன், வட்ட வழங்கல் அலுவலர் தேவி (TSO), அவர்களது குழுவினர் குடியாத்தத்தில் உள்ள பிச்சனூர் கிராமத்தில் சோதனையில் ஈடுபட்டனர்.