சென்னை செனாய் நகர் குடிசைப் பகுதியில் வசித்துவரும் 45 வயதுடைய பெண் கஸ்தூரி (பெயர் மாற்றப்பட்டுள்ளது). இவர் அருகில் உள்ள வீடுகளுக்கு சென்று சிறு வேலைகள் செய்துவருகிறார். இவருக்கு 22 வயதில் மனநலம் பாதிக்கப்பட்ட மகள் ஒருவர் உள்ளார்.
இந்நிலையில், கஸ்தூரில கீழ்பாக்கம் அனைத்து மகளிர் காவல் நிலையத்தில் புகார் ஒன்றை அளித்துள்ளார். அதில், "ஆகஸ்ட் 13ஆம் தேதி இரவு வீட்டில் நான் எனது மகளுடன் உறங்கிக் கொண்டிருந்தேன். அப்போது திடீரென கதவை உடைத்து மூன்று நபர்கள் உள்ளே நுழைந்தனர்.
பின்னர், அவர்கள் என்னை மிரட்டி, எனது மகளுக்குப் பாலியல் தொல்லை கொடுத்துவிட்டு தப்பிச்சென்றனர்" எனக் குறிப்பிட்டிருந்தார்.
இந்தப் புகாரின் அடிப்படையில் காவல் துறையினர் விசாரணை நடத்தினர். விசாரணையில் அதே பகுதியைச் சேர்ந்த ரவுடி லிங்கம் (31), அவரது கூட்டாளிகளான ஆனந்த், சிவா ஆகியோர் வீட்டிற்குள் நுழைந்து பாலியல் தொந்தரவு கொடுத்தது தெரியவந்தது.