புறநகர் ரயிலில் 6 கிலோ கஞ்சா பொருட்கள் பறிமுதல்

சென்னை: புறநகர் ரயிலில் 6 கிலோ எடையுள்ள கஞ்சாவை ஆவடி ரயில்வே காவல் துறையினர் இன்று கைப்பற்றினர்.

பட்டாபிராம் - வேளச்சேரி புறநகர் ரயிலில் கேட்பாரற்று கிடந்த சந்தேகத்திற்குரிய பை ஒன்று இருந்துள்ளது. இதனைக் கண்ட பயணிகள் ரயில்வே காவல்துறையினரிடம் தகவல் தெரிவித்தனர்.

அதன்படி, இந்த ரயில் ஆவடி ரயில் நிலையம் வந்தபோது, அப்பையைக் கைப்பற்றிய ரயில்வே காவல்துறையினர், அதனைச் சோதனையிட்டனர். அதில், 6 கிலோ எடையுள்ள கஞ்சா இருந்தது கண்டுபிடிக்கப்பட்டது.

பின்னர், கைப்பற்றிய கஞ்சாவானது வியாசர்பாடியில் உள்ள போதனை பொருள் தடுப்பு பிரிவு அலுவலகத்தில் ஒப்படைக்கப்பட்டது.