இந்தியாவில் செலுத்தப்பட்ட கரோனா தடுப்பூசி டோஸ்களின் எண்ணிக்கை நேற்று முன்தினம் (ஜூலை 17) 200 கோடியை கடந்தது. இந்தியாவின் இந்த சாதனைக்கு ஐக்கிய நாடுகளின் சிறுவர் நிதியமான யுனிசெஃப் வாழ்த்து தெரிவித்துள்ளது.
இதுகுறித்து யுனிசெஃப் இந்தியாவின் பிரதிநிதியான யசுமாசா கிமுரா கூறுகையில், "இந்தியா போன்ற பன்முகத்தன்மை கொண்ட நாட்டில், 18 மாதங்களில் 200 கோடி டோஸ் கரோனா தடுப்பூசி செலுத்தப்பட்டுள்ளது. இது, நாட்டின் அனைத்து பகுதிகளுக்கும் தடுப்பூசியை கொண்டு சேர்த்த சுகாதாரப் பணியாளர்களின் அர்ப்பணிப்புக்கான வெற்றி.