அமெரிக்காவில் தெலுங்கு சங்க நிகழ்ச்சியில் தலைமை நீதிபதி என்.வி. ரமணா பங்கேற்பு

வட அமெரிக்காவின் தெலுங்கு சங்கம் ஏற்பாடு செய்த நிகழ்வில் உச்ச நீதிமன்ற தலைமை நீதிபதி என்.வி. ரமணா பங்கேற்று உரையாற்றினார்.

இந்திய உச்ச நீதிமன்ற தலைமை நீதிபதி என்.வி. ரமணா அமெரிக்காவுக்கு தற்போது சுற்றுப்பயணம் மேற்கொண்டுள்ளார். அவருக்கு நியூயார்க் விமான நிலையத்தில் நேற்று முன்தினம் (ஜூன் 23) சிறப்பான வரவேற்பு அளிக்கப்பட்டது.

வடக்கு அமெரிக்கவின் தெலுங்கு சங்கம் (TANA) ஏற்பாடு செய்த நிகழ்வு வர்ஜினீயாவில் இன்று (ஜூன் 25) நடைபெற்றது. அதில், தலைமை நீதிபதி என்வி ரமணா பங்கேற்று உரையாற்றினார்.

இந்நிகழ்வில், பாரத் பயோடெக் தலைவர் கிருஷ்ணா எல்லா, எம்.டி.சுசித்ரா எல்லா, இந்திய தூதரக ஜெனரல் ரந்தீர் ஜெய்ஷ்வால், தெலுங்கு சங்கத்தின் முன்னாள் தலைவர்கள் ஜெய் தல்லூரி, சங்கத்தின் பிரமுகர்களான வலிவெட்டி பிரம்மாஜி, வசிரெட்டி வம்சி, அரவிந்த் ஆகியோர் அவரை வரவேற்றனர்.

முன்னதாக, நியூயார்க் நகரில் உள்ள கொலம்பியா பல்கலைக்கழகத்திற்கு நேற்று (ஜூன் 24) சென்ற நீதிபதி ரமணா, பல்கலைக்கழக நூலகத்தில் உள்ள டாக்டர் பி.ஆர்.அம்பேத்கரின் சிலைக்கு மாலை அணிவித்து மரியாதை செலுத்தினார். பின்னர், 'ஸ்காலர்ஸ் லயன்' என்ற சிலையையும் பார்வையிட்டார்.

மில்பிடாஸ் நகரில் நடைபெறும் வெளிநாட்டு வாழ் இந்தியர்களின் கூட்டத்தில் நீதிபதி உரையாற்றுகிறார். இந்தோ-அமெரிக்கர்கள் சங்கம் இந்த நிகழ்வை ஏற்பாடு செய்துள்ளது குறிப்பிடத்தக்கது.

இதையும் படிங்க:வடக்கிலிருந்து ஒரு சூரியன்.. அடுத்த பிறவியில் தமிழனாய் பிறக்கவே ஆசைபட்ட மண்டல் நாயகன் வி.பி. சிங்...