15 பிரதமர்களை கண்ட மகாராணி - யார் இந்த இரண்டாம் எலிசபெத்?

1952ஆம் ஆண்டு பதவிக்கு வந்த இரண்டாம் எலிசபெத் மாபெரும் அரசியல் சமூக மாற்றங்களுக்கு சாட்சியாக வாழ்ந்து வந்தார்.

யார் இந்த இரண்டாம் எலிசபெத்

லண்டன்:இரண்டாம் உலகப்போரின் தாக்கத்திலிருந்து உலகம் மீளாத காலத்தில் ராணியாக பதவியேற்ற எலிசபெத், பிரிட்டன் சாம்ராஜ்யம் காமன் வெல்த் கூட்டமைப்பாக மாறியதற்கும் சாட்சியாக வாழ்ந்துள்ளார். பனிப்போர் காலத்தில் ஐரோப்பிய யூனியனில் பிரிட்டன் பங்கேற்றது, விலகியது என்று பல அரசியல் நிகழ்வுகளை கண்டுள்ளார். தனது பதவிக்காலத்தில் சர்ச்சில் முதல் லிஸ் டிரஸ் வரை 15 பிரதமர்களைக் கண்டுள்ளார்.

எலிசபெத்தின் பதவிக்காலத்தில் 1951ஆம் ஆண்டில் பதவியேற்ற முதல் பிரதமரான வின்ஸ்டன் சர்ச்சில் 1874ஆம் ஆண்டில் பிறந்தவர். இதிலிருந்து நூறாண்டுகளுக்கு பின்னர் அதாவது 1975ஆம் ஆண்டில் பிறந்த லிஸ் டிரஸ்-ஐ செப்டம்பர் 6ஆம் தேதி எலிசபெத் பிரதமராக நியமித்தார். தனது பதவிக்காலம் முழுவதும் பிரதமர்களுடன் வாராந்திர கலந்துரையாடல் மேற்கொள்வதை வழக்கமாக கொண்டிருந்தார் இரண்டாம் எலிசபெத். அந்த பிரதமர்களின் பெயர் மற்றும் ஆட்சி காலம் பின்வருமாறு.