உலகளவில் கரோனா பரவல் தொடர்ந்து தீவிரமடைந்துவருகிறது. இதுவரை உலகளவில் மூன்று கோடியே 87 லட்சத்து 52 ஆயிரத்து 973 பேர் கரோனாவால் பாதிக்கப்பட்டுள்ளனர். உயிரிழந்தோரின் எண்ணிக்கை 10 லட்சத்து 96 ஆயிரத்து 962ஆக அதிகரித்துள்ளது. வைரஸ் தொற்றிலிருந்து குணமடைந்தவர்களின் எண்ணிக்கை இரண்டு கோடியே 91 லட்சத்து 29 ஆயிரத்து 637ஆக அதிகரித்துள்ளது.
கடந்த 24 மணிநேரத்தில் மூன்று லட்சத்து 82 ஆயிரத்து 539 பேர் பாதிக்கப்பட்டுள்ளனர். ஆறாயிரத்து 41 பேர் உயிரிழந்துள்ளனர். உலகளவில் அதிகளவிலான கரோனா பாதிப்பு அமெரிக்காவில் பதிவாகியுள்ளது. இதுவரை அந்நாட்டில் 81 லட்சத்து 50 ஆயிரத்து 43 பேர் பாதிக்கப்பட்டுள்ளனர். இரண்டு லட்சத்து 21 ஆயிரத்து 843 பேர் உயிரிழந்துள்ளனர்.