உலகின் மூன்றாவது மிகப்பெரிய பொருளாதாரமிக்க நாடாக ஜப்பான் உள்ளது. அந்நாட்டின் பிரதமராக 2012ஆம் ஆண்டு முதல் ஷின்ஸா அபே பொறுப்பில் உள்ளார்.
இந்நிலையில், அவர் கடந்த சில காலமாகவே சிறுகுடல் தொடர்பான பிரச்னையால் பாதிக்கப்பட்டிருந்தார். கடந்த திங்கட்கிழமை (ஆகஸ்ட் 24) திடீரென்று பிரதமர் ஷின்ஸா அபே மருத்துவமனைக்குச் சென்றார். அன்று மாலையே அவர் மருத்துவமனையிலிருந்து வீடு திரும்பினார்.
இருப்பினும், அவரது உடல்நிலை மோசமாகவுள்ளதால் அவருக்கு ஓய்வு தேவை என்றும்; இதனால் விரைவில் அவர் பதவி விலகலாம் என்றும் இணையத்தில் தகவல் பரவின.