கரோனா வைரஸ் தொற்று உலகம் முழுவதும் இன்றளவும் வேகமாகப் பரவி வருகிறது. இதுவரை கரோனா வைரஸ் தொற்றால் சுமார் 13 மில்லியனுக்கும் மேல் பாதித்தும், ஐந்து லட்சத்து 82 ஆயிரத்து 115 பேர் உயிரிழந்தும் உள்ளனர்.
இந்நிலையில், அமெரிக்காவின் வாஷிங்டனில் உள்ள ஜார்ஜ்டவுன் பல்கலைக்கழகம் நடத்திய குளோபல் ஹெல்த் காணொலி மாநாட்டில் பங்கேற்ற உலகப் புகழ்பெற்ற தொற்று நோய் நிபுணர் அண்டனி ஃபாஷி கூறுகையில், '1918ஆம் ஆண்டில் வந்த ஸ்பானிஷ் காய்ச்சலில் உலகம் முழுவதும் 50 மில்லியன் மக்கள் உயிரிழந்தனர். இந்த ஸ்பானிஷ் வைரஸ் தான் அனைத்து வைரஸ்களுக்கும் தாய். இந்த வைரஸ் தொற்றைப் போன்று கரோனா வைரஸ் தொற்றும் பரவும் அபாயம் உள்ளது’ என்றார்.