நைரோபி(கென்யா): மத்திய வெளியுறவுத்துறை அமைச்சர் ஜெய்சங்கர் 3 நாள் அரசுமுறைப் பயணமாக ஆப்பிரிக்க நாடான கென்யாவுக்குச் சென்றுள்ளார். அவரை, அந்நாட்டின் வெளியுறவு விவகாரங்களுக்கான தலைமை நிர்வாக அலுவலர் அபாபு நமவாம்பா வரவேற்றார்.
தொடர்ந்து, பிராந்திய மற்றும் உலகளாவிய பிரச்னைகள் குறித்தும், இருநாட்டிற்கு இடையிலான உறவை மேலும் வலுப்படுத்துவதற்கான சாத்தியக்கூறுகள் குறித்தும் கென்யா வெளியுறவுத் துறை அமைப்புச் செயலாளர் ரேச்செல் ஓம்மோவுடன், ஜெய்சங்கர் ஆலோசனை நடத்தினார்.