சென்னை:பாலிவுட்டில் முன்னணி நடிகையாக வலம் வருபவர், கங்கனா ரணாவத். இவர் முன்னாள் முதலமைச்சர் ஜெயலலிதாவின் வாழ்க்கையை பின்னணியாகக் கொண்டு எடுக்கப்பட்ட தலைவி படத்தில் நடித்து, அனைவரது கவனத்தையும் ஈர்த்தார்.
சமூக வலைத்தளங்களில் ஆக்டிவாக இருந்து வரும் கங்கனா ரணாவத், சமீபகாலமாக பாஜக தலைவர்களின் கருத்துகளுக்கு ஆதரவாக அவ்வப்போது தனது சமூக வலைத்தளத்தில் கருத்துக்களை பதிவிட்டு வருகிறார். அவர் வரும் நாடாளுமன்றத் தேர்தலில் போட்டியிட உள்ளதாகவும் செய்திகள் வெளியாகி வருகின்றன.
இந்நிலையில், அவர் பொதுவாக தனது அன்றாட வாழ்க்கையில் நடக்கும் சில விஷயங்கள் குறித்தும் சமூக வலைத்தளங்களில் பகிர்ந்து கொள்வது உண்டு. அந்த வகையில், இன்று (ஜன.07) தனது இன்ஸ்டாகிராம் பதிவில் ரசிகர்கள் பிரபலங்களைச் சந்திக்கும்போது தங்களுக்கு பெரிய அதிசயம் நடப்பது போல ரசிகர்கள் உணர்வதாகவும், ரசிகர்கள் அவ்வாறு வியந்து பார்க்கும்போது பிரபலங்களின் உணர்வு எப்படி இருக்கும் என்பது குறித்தும் குறிப்பிட்டுள்ளார்.