நடிகர் கமல்ஹாசன் நடிப்பில் அடுத்து வெளிவரவிருக்கும் ’விக்ரம்’ திரைப்படத்தின் புரொமோஷன் களைகட்டியுள்ளது. ஒரு பக்கம் டெல்லி, கொச்சின், மலேசியா எனப் புரொமோஷன்களுக்கான பயணங்களை மேற்கொண்டு வருகிறார், நடிகர் கமல். இந்நிலையில், அப்படத்தின் புக்கிங் வருகிற 29ஆம் தேதி முதல் தொடங்குகிறது என்பதை அறிவிக்கும் வகையில் புரொமோ ஒன்று யூ-ட்யூபில் அப்படக்குழுவினரால் வெளியிடப்பட்டுள்ளது.
அதில், ’பஞ்சதந்திரம்’ படத்தில் இடம்பெற்ற கதாபாத்திரங்கள், அப்படத்தின் புகழ்பெற்ற ’கான்ஃபரன்ஸ் கால்’ காட்சியைப் போல் ’விக்ரம்’ படத்தைப் பற்றி பேசுவதாக காணொலி எடுக்கப்பட்டுள்ளது.