பொங்கல் பண்டிகையை முன்னிட்டு தமிழ் சினிமாவின் உச்ச நட்சத்திரமான விஜயின் வாரிசு படமும், அஜித்குமாரின் துணிவு படமும் ஜனவரி 11ஆம் தேதி வெளியானது. இருவரது ரசிகர்களும் திரையரங்குகளில் குவிந்துவருவதால், கடந்த ஒரு வாரமாக திரையரங்குகள் திருவிழா கோலம் பூண்டுள்ளது.
வம்சி படிபள்ளி இயக்கிய வாரிசு திரைப்படத்தில் ராஷ்மிகா மந்தனா, சரத்குமார், யோகி பாபு உள்ளிட்ட பல நடிகர்கள் நடித்திருந்தனர். வாரிசு திரைப்படத்திற்கு தமன் இசையமைத்திருந்தார். மிகுந்த எதிர்பார்ப்பிற்கு மத்தியில் வெளியான வாரிசு திரைப்படம் கலவையான விமர்சனங்களை பெற்றாலும், வெற்றிகரமாக ஓடிக்கொண்டிருக்கிறது.