கன்னட படங்களில் நடித்து தமிழ், தெலுங்கு என தென்னிந்தியாவில் முன்னனி நடிகையாக வலம் வருபவர் நடிகை ராஷ்மிகா மந்தனா. இவர் நடிகர் விஜயுடன் முதன் முதலாக இணைந்து நடித்துள்ள ’வாரிசு’ திரைப்படம் வரும் பொங்கலுக்கு வெளியாகவுள்ளது. முன்னதாக, ராஷ்மிகா பாலிவுட்டில் அமிதாப்பட்சனுடன் நடித்திருந்த ‘குட்பை’ திரைப்படம் ரசிகர்கள் மத்தியில் நல்ல வரவேற்பை பெற்றது. அதைத்தொடர்ந்து ’மிஷன் மஜ்னு’ எனும் பாலிவுட் படத்தில் முக்கிய கதாப்பாத்திரத்தில் நடித்துள்ளார். இந்த படத்தின் பாடல் வெளியீட்டு விழாவில் ராஷ்மிகா பேசியது சர்ச்சையை கிளப்பியுள்ளது.
இந்த விழாவில் பேசிய ராஷ்மிகா “நான் வளரும் காலங்களில் ரொமேண்டிக் பாடல்கள் என்றால், அது பாலிவுட் பட பாடல்கள் தான். தென் இந்திய படங்களில் மாஸ் மசாலா, ஐட்டம் பாடல்கள் என டான்ஸ் மோடில் தான் பாடல்கள் வருகின்றன. அந்த வகையில் மிஷன் மஜ்னு படத்தில் அப்படி ஒரு பாலிவுட் ரொமேண்டிக் பாடல் எனக்கு கிடைத்துள்ளது. அதனை நீங்கள் அனைவரும் கேட்க ஆவலாக உள்ளேன்” என பேசியுள்ளார்.