சென்னை: இயக்குநர் மணிரத்னம் இயக்கத்தில் நடிகர் ஜெயம் ரவி, கார்த்தி, விக்ரம், சரத்குமார், ஐஸ்வர்யா ராய், த்ரிஷா, பார்த்திபன், ஜெயராம் எனப் பல முன்னணி நடிகர்கள் நடிப்பில் உருவாகியுள்ள ‘பொன்னியின் செல்வன்’ திரைப்படத்தின் ட்ரெய்லர் மற்றும் இசை வெளியீட்டு விழா அடுத்த மாதம் 6ஆம் தேதி, சென்னை நேரு உள்விளையாட்டு அரங்கில் நடைபெற உள்ளதாக தயாரிப்பு நிறுவனம் அறிவித்துள்ளது.
இந்த நிகழ்ச்சியில் கலந்துகொள்ள ரஜினி, கமல்ஹாசன் இருவருக்கும் அழைப்புவிடுக்கப்பட்டுள்ளதாகவும், இருவரும் கலந்துகொள்ள வாய்ப்புள்ளதாகவும் கூறப்படுகிறது.