சென்னை: இயக்குனர் சுராஜ் இயக்கத்தில் வடிவேலு நடித்து வரும் திரைப்படம், நாய் சேகர் ரிட்டர்ன்ஸ். லைகா நிறுவனம் தயாரித்துள்ள இந்த படத்திற்கு சந்தோஷ் நாராயணன் இசை அமைத்துள்ளார். பல ஆண்டுகளுக்குப் பிறகு வடிவேலு நடித்துள்ளதால், இப்படத்திற்கு ரசிகர்கள் மத்தியில் பெரும் எதிர்பார்ப்பு எழுந்துள்ளது.
இப்படத்தில் பிரபுதேவா நடனம் அமைத்திருந்த ‘அப்பத்தா’ என்ற பாடலும், அதனைத்தொடர்ந்து வெளியான ‘பணக்காரன்’ என்ற மற்றொரு பாடலும் ரசிகர்கள் மத்தியில் நல்ல வரவேற்பை பெற்றது. இந்த நிலையில் நாய் சேகர் ரிட்டர்ன்ஸ் படத்தின் ட்ரெய்லர் நேற்று (டிச.1) வெளியிடப்பட்டது.