சென்னை:சின்னத்திரை மூலம் தமிழ் திரை உலகில் தடம் பதித்த இசையமைப்பாளர் டி.இமான், தற்போது வெள்ளித்திரையிலும், கலக்கலான ஹிட்ஸ்களை கொடுத்து வருகிறார். விஜய், அஜித், ரஜினி, சூர்யா உள்ளிட்ட மெகா ஸ்டார்ஸ்களின் பெரிய பட்ஜெட் திரைப்படங்களுக்கு இசையமைத்து, தொடர்ந்து கலக்கல் ஹிட்ஸ் கொடுத்து அசத்தி வருகிறார்.
இவர் மோனிகா ரிச்சர்ட் என்பவரை கடந்த 2008இல் திருமணம் செய்து கொண்டார். இவர்களுக்கு 2 பெண் குழந்தைகள் உள்ள நிலையில் கடந்த ஆண்டு இறுதியில் தனது மனைவியை சட்டபூர்வமாக விவாகரத்து செய்வதாக அறிவித்தார். இது அவரது ரசிகர்கள் மத்தியில் மிகுந்த கவலையை ஏற்படுத்தியது. இந்நிலையில், நேற்று (மே 14) தமிழ்த்திரையுலகில் கலை இயக்குநராகப் பணியாற்றி மறைந்த உபால்டுவின் மகள் அமலியை, அவர் மறுமணம் செய்துள்ளார்.