சிவகார்த்திகேயனின் 'மாவீரன்' படப்பிடிப்பு தொடங்கியது!

நடிகர் சிவகார்த்திகேயன் நடிப்பில் இயக்குநர் மடோன் அஸ்வின் இயக்கத்தில் உருவாகும் ‘மாவீரன்’ திரைப்படத்தின் படப்பிடிப்பு தொடங்கப்பட்டுள்ளது.

நடிகர் சிவகார்த்திகேயன் நடிப்பில், Shanthi Talkies சார்பில் அருண் விஸ்வா தயாரித்து வழங்க, இயக்குநர் மடோன் அஸ்வின் இயக்கத்தில் உருவாகும் "மாவீரன்" திரைப்படத்தின் படப்பிடிப்பு, நேற்று(ஆக 3) தொடங்கப்பட்டது. ’மண்டேலா’ திரைப்படப் புகழ் மடோன் அஸ்வின் எழுதி இயக்கும் இப்படத்தில் நடிகை அதிதி ஷங்கர் கதாநாயகியாக நடிக்கிறார். இயக்குநர் மிஷ்கின் ஓர் முக்கிய வேடத்தில் நடிக்கிறார்.

சிவகார்த்திகேயனின் மற்றுமொரு படமான ‘பிரின்ஸ்’ படத்தின் இணை தயாரிப்பாளரான அருண் விஸ்வா, Shanthi Talkies சார்பில் இந்தப் படத்தைத் தயாரிக்கிறார். திரைப்படத்தின் தொடக்க விழாவில் இந்தியாவின் புகழ்பெற்ற திரைப்பட இயக்குநர் ஷங்கர் கலந்துகொண்டார்.