'கொன்றால் பாவம்' திரைப்படம் கோடை விடுமுறையில் வெளியீடு

வரலஷ்மி சரத்குமார் மற்றும் சந்தோஷ் பிரதாப் நடிப்பில் உருவாக்கப்பட்ட 'கொன்றால் பாவம்' திரைப்படம் கோடை விடுமுறையில் வெளியாகவுள்ளதாக படக்குழு தெரிவித்துள்ளது.

சென்னை:தயாரிப்பாளர்கள் பிரதாப் கிருஷ்ணா மற்றும் மனோஜ் குமாரின் Einfach Studios-ன் 'கொன்றால் பாவம்' படத்தில் வரலஷ்மி சரத்குமார்- சந்தோஷ் பிரதாப் நடித்துள்ளனர். இந்தப் படம், இந்தாண்டு கோடை விடுமுறையில் உலகம் முழுவதும் திரையரங்குகளில் வெளியாக இருக்கிறது. சமீபத்தில் இதன் படப்பிடிப்பு நிறைவு பெற்று போஸ்ட் புரொடக்சன் பணிகள் தற்போது தீவிரமாக நடைபெற்று வருகின்றன.

ஸ்ரீமோகன் பாபுவின் கன்னட நாடக கதையைத் தழுவி இந்தப் படம் எடுக்கப்பட்டுள்ளது. கன்னடம் மற்றும் இதன் தெலுங்கு ரீமேக்கினை எழுதி தயாள் பத்மநாபன் இயக்கியுள்ளார். ஆஹா ஒரிஜினலுக்காக அல்லு அர்ஜூன், இதன் தெலுங்கு வெர்ஷனை தயாரித்துள்ளார். வரலஷ்மி சரத்குமார் & சந்தோஷ் பிரதாப் இருவரும் முன்னணி கதாபாத்திரத்தில் நடித்துள்ளனர்.

Einfach Studios-க்காக பிரதாப் கிருஷ்ணா & மனோஜ் குமார் இந்தப் படத்தைத் தயாரிக்க தயாள் பத்மநாபன், இணைத் தயாரிப்பாளராக D பிக்சர்ஸ்க்காக இந்தப் படத்தைத் தயாரிக்கிறார். மேலும், அவர் ஜான் மகேந்திரனுடன் இணைந்து படத்தின் வசனங்களையும் எழுதி இருக்கிறார்.

இதையும் படிங்க:வந்தியதேவன், சர்தார் கதாபாத்திரங்களில் நடித்ததில் பெருமையடைகிறேன் - நடிகர் கார்த்தி