மாநிலங்களவை எம்பியாக இசையமைப்பாளர் இளையராஜா நியமனம் செய்யப்பட்டுள்ளார். அவருக்கு பல அரசியல் தலைவர்களும் திரை நட்சத்திரங்களும் வாழ்த்து தெரிவித்து வருகின்றானர். இந்நிலையில் இந்திய அரசுக்கும் மற்றும் தனது அபிமானிகளுக்கும் நன்றி தெரிவித்து அமெரிக்காவிலிருந்து இளையராஜா ட்வீட் செய்துள்ளார்.
பிரதமர் மோடிக்கு நன்றி தெரிவித்து அவர் பதிவிட்டுள்ள ட்வீட்டில், “பிரதமர் மோடிக்கு எனது மனமார்ந்த நன்றியை தெரிவித்துக்கொள்கிறேன். இசை, கலை, மற்றும் கலாச்சாரத்தின் அழகை நம் சமூகத்தில் விரிவுப்படுத்த இது ஒரு பெரிய வாய்ப்பாக அமையும்” என குறிப்பிட்டுள்ளார்.