சென்னை: இந்திய கம்யூனிஸ்ட் கட்சியின் தமிழ்நாடு மாநில செயலாளர் இரா.முத்தரசன், இயக்குநர் S.A.விஜயகுமார் இயக்கத்தில், மோனிகா புரடக்ஷன் சார்பில் P.சண்முகம் தயாரிக்கும் படம் 'அரிசி'. குறிப்பாக இப்படத்திற்கு இளையராஜா இசையமைத்துள்ளார்.
இந்த திரைப்படத்தில், இரா.முத்தரசன் விவசாயி கதாபாத்திரத்தில் நடிக்க, அவரின் மனைவி கதாபாத்திரத்தில் ரஷ்யா மாயன் நடித்து வருவதாக படக்குழு தரப்பில் தெரிவிக்கப்பட்டது. மேலும் 'அரிசி' படத்தில் ஜான்சன் ஒளிப்பதிவு பணிகளையும், அசோக் சார்லஸ் படத்தொகுப்பு பணிகளையும், சேது ரமேஷ் கலை இயக்குநர் பணிகளையும் மேற்கொண்டுள்ளனர்.
மேலும், இப்படத்தில் சிசர் மனோகர், கோவி இளங்கோ, ராஜா திருநாவுக்கரசு, அர்ஜுன்ராஜ், மகிமை ராஜ், வையகன், அன்பு ராணி, சுபா, பழனி மணிசேகரன், கொண்டை மண்டை ராதாகிருஷ்ணன் உள்ளிட்ட பலர் நடித்து வருகின்றனர். 'அரிசி' படத்தின் இயக்குநர் S.A.விஜயகுமார், பிரபல இயக்குநர்கள் பலரிடம் உதவி இயக்குநராக பணியாற்றியுள்ளதாக படக்குழுவினர் தெரிவித்திருந்தனர்.
மேலும் 'அரிசி' படம் குறித்து படத்தின் இயக்குநர் S.A.விஜயகுமார், இப்படம் முழுக்க முழுக்க விவசாய பின்னணியில் உருவாகும் படம் என்றும், அரிசி என்பது மனித வாழ்வியலின் உயிர் நாடி என்பதனை எடுத்து சொல்லும் விதத்தில் இருக்கும் என்று கூறியிருந்தார்.