சென்னை: 2019 ஆம் ஆண்டு வெளியான கோமாளி திரைப்படம் மூலம் தமிழ் சினிமாவில் இயக்குனராக அறிமுகமானவர் பிரதீப் ரங்கநாதன். தனது முதல் திரைப்படத்திலேயே வித்தியாசமான கதை, காமெடி, செண்டிமெண்ட், சோசியல் மெஸேஜ் என அனைவரின் கவனத்தையும் தன் மீது திருப்பி இருந்தார். இந்த திரைப்படம் ரசிகர்கள் மத்தியில் நல்ல வரவேற்பையும், சில விருதுகளையும் பெற்றது.
தற்போது பிரதீப் ரங்கநாதன் இயக்கி நடித்திருக்கும் லவ் டுடே திரைப்படத்தின் ட்ரெய்லரை இன்று நடிகர் சிம்பு வெளியிட்டார். ட்ரெய்லரில், இரு காதலர்களுக்கிடையே நடக்கும் சுவராஸ்யமான நிகழ்வுகளும், திருப்பங்களும், காமெடிகளும் காண்போரை திருப்தியடையச் செய்திருக்கும் என்பதில் ஐயமில்லை.