தாம்பரத்தில் அதிமுக வேட்பாளருக்கு உற்சாக வரவேற்பு

சென்னை தாம்பரத்தில் அதிமுக வேட்பாளருக்கு பூ மழை பொழிந்து உற்சாக வரவேற்பு அளிக்கப்பட்டது.

செங்கல்பட்டு மாவட்டம், தாம்பரம் சட்டப்பேரவைத் தொகுதியில் அதிமுக சார்பில் முன்னாள் அமைச்சர் டி.கே.எம். சின்னையா வேட்பாளாராக போட்டியிடுகிறார்.

அவர் தொகுதி முழுவதும் தீவிர வாக்கு சேகரிப்பில் ஈடுபட்டு வந்தார். இதையடுத்து, இன்று (மார்ச் 30) கடப்பேரி 4ஆவது வார்டில் வாக்கு சேகரிப்பிற்காக சென்றிருந்தார்.

அப்போது அதிமுகவை சேர்ந்தவர்கள் மற்றும் பாஜகவினரும் இணைந்து வேட்பாளருக்கு மலர் தூவி, மாலை அணிவித்து, பூ மழையால் நனைய வைத்து உற்சாக வரவேற்பளித்தனர்.

இதையும் படிங்க: ’மோடியின் பக்கபலமாக செயல்படும் இபிஎஸ் ஓபிஎஸ்' - சீதாராம் யெச்சூரி