சேலம்: மாநகராட்சிப் பகுதியில் உள்ள செவ்வாய்பேட்டை பகுதியைச்சேர்ந்தவர், சஞ்சய் பிரகாஷ். இவரும் சேலம் எருமபாளையத்தைச்சேர்ந்த நவீன் சக்கரவர்த்தி என்பவரும் சேலம் அருகே உள்ள கோரிமேடு பகுதியில் இருக்கும் விநாயகம்பட்டி என்ற பகுதியில் வாடகைக்கு வீடு எடுத்து, தங்கி துப்பாக்கி தயாரித்தனர்.
இதனையடுத்து இருவரும் கைது செய்யப்பட்டு சேலம் மத்திய சிறையில் அடைக்கப்பட்டுள்ளனர். இவர்களிடம் ஏற்கெனவே என்ஐஏ அலுவலர்கள் விசாரணை செய்திருந்தனர். இந்த நிலையில் இன்று காலை விநாயகம்பட்டிக்கு என்ஐஏ அலுவலர்கள் குழுவினர் வந்தனர். பிறகு கைது செய்யப்பட்ட இருவர் தங்கியிருந்த அறையைத் திறந்து பார்த்தனர். அங்கு இருந்த புத்தகங்களைப் பறிமுதல் செய்தனர்.