அரசு மருத்துவமனைக்கு குவியும் மருத்துவ உபகரணங்கள்

கரூரில் 80 படுக்கை வசதிகளுடன் கூடிய கரோனா சிகிச்சை மையத்தை அமைச்சர் செந்தில் பாலாஜி தொடங்கி வைத்தார்.

கரூர் மாவட்டத்தில்‘ தன்னார்வலர்கள், தொழிலதிபர்கள் தங்களால் இயன்ற உதவிகளை பணமாகவும் மருத்துவ உபகரணங்களாகவும் வழங்கி வருகின்றனர்.

இதன் தொடர்ச்சியாக கரூர் நகராட்சி பகுதியில் உள்ள பழைய அரசு மருத்துவமனை வளாகத்தில் 80 ஆக்சிஜன் படுக்கைகளுடன் கூடிய கரோனா சிறப்பு சிகிச்சை மையத்திற்கு தனியார் டெக்ஸ்டைல் நிறுவனமான ஆசியன் பேப்பிரிக்ஸ் சார்பில் அதன் நிர்வாக இயக்குனர் அசோக் ராம்குமார் ரூபாய் 51 லட்சம் மதிப்பீட்டில் 20 ஆக்சிஜன் செறிவூட்டிகள் மற்றும் 22 கிலோவாட் கம்பரசர் கருவிகளை வழங்கினர்.

அதேபோல ரூபாய் 51லட்சம் மதிப்பீட்டில் 20 ஆக்சிஜன் செறிவூட்டிகள் மற்றும் 22 கிலோவாட் கம்பரசர் கருவிகளை வி செந்தில் பாலாஜி பவுண்டேசன் சார்பில் வழங்கப்பட்டது.

ஒரு கோடியே 2 லட்சம் மதிப்பிலான 40 ஆக்சிஜன் செறிவூட்டிகளுடன் 80 படுக்கை வசதிகளுடன் கரோனா சிகிச்சை மையத்தை மின்சாரம் மதுவிலக்கு மற்றும் ஆயத்தீர்வைத் துறை அமைச்சர் செந்தில் பாலாஜி திறந்து வைத்தார்.

அரசு மருத்துவமனைக்கு குவியும் மருத்துவ உபகரணங்கள்

இதனை தொடர்ந்து கரூர் மாவட்டம் அரவக்குறிச்சியை அடுத்த பள்ளப்பட்டியில் 100 படுக்கைகளுடன் கூடிய கரோனா சிகிச்சை மையத்திற்கு எம்.எம்.சாகுல் ஹமீது சாரிட்டபிள் டிரஸ்ட் சார்பில் அதன் நிர்வாகிகள் முகமது நபி மற்றும் ஆசிப் அலி சார்பில் தலா 25,000 வீதம் ரூ 3.75 லட்சம் மதிப்பிலான 5 ஆக்சிஜன் செறிவூட்களை அமைச்சர் செந்தில் பாலாஜியிடம் வழங்கினர் . அங்கு நூறு படுக்கைகளுடன் கரோனா சிகிச்சை மையத்தை அமைச்சர் செந்தில்பாலாஜி திறந்து வைத்தார்இந்நிகழ்ச்சியில் கரூர் மாவட்ட ஆட்சித்தலைவர் பிரசாந்த் மு வடநேரே, அரவக்குறிச்சி சட்டப்பேரவை உறுப்பினர் இளங்கோ, கரூர் அரசு மருத்துவக் கல்லூரி முதல்வர் முத்துச்செல்வன், சுகாதாரத்துறை இணை இயக்குனர் ஞானக்கண் பிரேம் நிவாஸ், துணை இயக்குனர் மருத்துவர் சந்தோஷ்குமார், மாவட்ட பூச்சியியல் வல்லுநர் மருத்துவர் சிவக்குமார், திமுக பள்ளப்பட்டி பேரூர் கழக செயலாளர் தோட்டம் பஷீர்,நொய்யல் சேகர் உள்ளிட்ட பலர் கலந்து கொண்டனர்.