தொடங்கியது ஆடி மாதம் - விமரிசையாக நடைபெற்ற எருது விழா!

சேலம்: நெய்க்காரன்பட்டியில் வெகு விமரிசையாக நடைபெற்ற கோயில் திருவிழாவில் எருது விடும் விழா கோலகலமாக நடைபெற்றது. இதில் 75 எருதுகள் கலந்து கொண்டன.

சேலம் மாவட்டம் நெய்க்காரன்பட்டியில் ஒவ்வொரு ஆண்டும், ஆடி மாதத்தில் மூங்கில் குத்து முனியப்பன் சாமி கோயில் திருவிழா நடைபெறுவது வழக்கம். இதனையொட்டி கோயில் திருவிழாவின் சிறப்பு நிகழ்ச்சியாக எருது விடும் விழா இன்று நடைபெற்றது. இதற்காக, தருமபுரி, கிருஷ்ணகிரி ,சேலம் ஆகிய மாவட்டங்களில் இருந்து 75க்கும் மேற்பட்ட எருதுகள் பிடித்து வரப்பட்டன.

எருது விடும் விழாவில் திரளாக கலந்துகொண்ட இளைஞர்கள் எருதுகளை கயிற்றால் பிடித்து இழுத்து வந்து திடலில் சுற்றி வந்து அழைத்துச் சென்றனர். எருது விடும் விழாவை காண அப்பகுதியைச் சேர்ந்த 3 ஆயிரத்துக்கும் மேற்பட்ட பொதுமக்கள் வேடிக்கை பார்த்தனர்.