வட மாநிலங்களுக்குச் செல்லும் வாராந்திர ரயில்கள் ஜூன் வரை நீட்டிப்பு!

மதுரை, திருநெல்வேலி, ராமேஸ்வரம் ரயில் நிலையங்களிலிருந்து ராஜஸ்தான், மும்பை, குஜராத் செல்லும் வாராந்திர சிறப்பு ரயில்கள் ஜூன் மாதம் வரை நீட்டிக்கப்பட்டுள்ளது எனத் தென்னக ரயில்வேயின் மதுரை கோட்டம் அறிவித்துள்ளது.

இது குறித்து தென்னக ரயில்வேயின் மதுரை கோட்டம் செய்திக் குறிப்பு ஒன்றை இன்று வெளியிட்டுள்ளது. அதில், "மதுரையிலிருந்து ராஜஸ்தான் மாநிலத்தில் உள்ள பிக்கானீர் செல்லும் வாராந்திர விழாக்கால சிறப்பு ரயில் திருநெல்வேலி-பிலாஸ்பூர், மும்பை தாதர் வாராந்திர சிறப்பு ரயில் ராமேஸ்வரம்-ஓகா (குஜராத்) வாராந்திர சிறப்பு ரயில் நாகர்கோவில்-மும்பை வாரம் இருமுறை சிறப்பு ரயில் ஆகியவை மார்ச் மாத இறுதிவரை இயக்கப்படும் என ஏற்கனவே அறிவிக்கப்பட்டிருந்தது. தற்போது, இந்த ரயில்களின் சேவை ஜூன் மாதம் வரை நீட்டிக்கப்பட்டுள்ளது.

வண்டி எண் 06053 மதுரை-பிக்கானீர் வாராந்திர விழாக்கால சிறப்பு ரயில் மதுரையிலிருந்து ஏப்ரல் 1, 8, 15, 22, 29, மே 6, 13, 20, 27, ஜூன் 3, 10, 17, 24 ஆகிய வியாழக்கிழமைகளில் இயக்கப்படும். மறுமார்க்கத்தில் வண்டி எண் 06054 பிக்கானீர்-மதுரை வாராந்திர விழாக்கால சிறப்பு ரயில் பிக்கானீரிலிருந்து ஏப்ரல் 4, 11, 18, 25, மே 2, 9, 16, 23, 30, ஜூன் 6, 13, 20, 27 ஆகிய செவ்வாய்க்கிழமைகளில் இயக்கப்படும்.

வண்டி எண் 06070 திருநெல்வேலி-பிலாஸ்பூர் வாராந்திர விழாக்கால சிறப்பு ரயில் ஏப்ரல் 4, 11, 18, 25, மே 2, 9, 16, 23, 30, ஜூன் 6, 13, 20, 27 ஆகிய ஞாயிற்றுக்கிழமைகளில் திருநெல்வேலியிலிருந்து இயக்கப்படும். மறுமார்க்கத்தில் வண்டி எண் 06069 பிலாஸ்பூர் திருநெல்வேலி வாராந்திர சிறப்பு ரயில் பிலாஸ்பூரிலிருந்து ஏப்ரல் 6, 13, 20, 24, மே 4, 11, 18, 25, ஜூன் 1, 8, 15, 22, 29 ஆகிய செவ்வாய்க்கிழமைகளில் இயக்கப்படும்.

வண்டி எண் 06072 திருநெல்வேலி - மும்பை தாதர் வாராந்திர விழாக்கால சிறப்பு ரயில் திருநெல்வேலியிலிருந்து ஏப்ரல் 7, 14, 21, 28, மே 5, 12, 19, 26, ஜூன் 2, 9, 16, 23, 30 ஆகிய புதன்கிழமைகளில் இயக்கப்படும். மறுமார்க்கத்தில் வண்டி எண் 06071 மும்பை தாதர் திருநெல்வேலி வாராந்திர விழாக்கால சிறப்பு ரயில் தாதரிலிருந்து ஏப்ரல் 8, 15, 22, 29, மே 6, 13, 20, 27, ஜூன் 3, 10, 17, 24, ஜூலை 1 ஆகிய வியாழக்கிழமைகளில் இயக்கப்படும்.

வண்டி எண் 06733 ராமேஸ்வரம் -ஓஹா வாராந்திர சிறப்பு ரயில் ஏப்ரல் 2, 9, 16, 23, 30, மே 7, 14, 21, 28, ஜூன் 4, 11, 18, 25 ஆகிய வெள்ளிக்கிழமைகளில் ராமேஸ்வரத்திலிருந்து இயக்கப்படும் மறுமார்க்கத்தில் வண்டி எண் 06734 ஓஹா - ராமேஸ்வரம் வாராந்திர விழாக்கால சிறப்பு ரயில் ஓஹாவிலிருந்து ஏப்ரல் 6, 13, 20, 27, மே 4, 11, 18, 25, ஜூன் 1, 8, 15, 22, 29 ஆகிய செவ்வாய்க்கிழமைகளில் இயக்கப்படும்.

வண்டி எண் 06351 மும்பை சிஎஸ்டி - நாகர்கோவில் வாரம் இருமுறை சிறப்பு ரயில் மும்பையிலிருந்து ஏப்ரல் 2, 5, 9, 12, 16, 19, 23, 26, 30, மே 3, 7, 10, 14, 16, 21, 24, ஜூன் 4, 7, 11, 16, 18, 21, 25, 28 ஆகிய திங்கள் மற்றும் வெள்ளிக்கிழமைகளில் இயக்கப்படும். மறுமார்க்கத்தில் வண்டி எண் 06352 நாகர்கோவில் மும்பை சிஎஸ்டி வாரம் இருமுறை சிறப்பு ரயில் நாகர்கோவிலிலிருந்து ஏப்ரல் 1, 4, 8, 11, 15, 18, 22, 25, 29, மே 2, 6, 9, 11, 16, 20, 21, 27, 30, ஜூன் 3, 6, 10, 13, 17, 20, 24, 26 ஆகிய ஞாயிறு மற்றும் வியாழக்கிழமைகளில் இயக்கப்படும்.

இந்த ரயில் ஏற்கனவே நின்று வந்த நிறுத்தங்களான யெர்க்குன்ட்லா, தாடிபத்திரி ஆகிய ரயில் நிலையங்களில் நிற்காது இந்த ரயில்களுக்கான முன்பதிவு தற்போது நடைபெற்றுவருகிறது” எனக் குறிப்பிட்டுள்ளது.

இதையும் படிங்க...வாக்கு மையங்களில் கேமரா பொருத்தும் பணி: முதன்மைக் கல்வி அலுவலர்களுக்கு தலைமைத் தேர்தல் அலுவலர் சுற்றறிக்கை