மதுரை, நாகமலை புதுக்கோட்டை காவல் சரகத்திற்கு உட்பட்ட, வைகை ஆற்றுப்படுகையில் திருட்டுத்தனமாக ஆற்று மணல் கடத்தப்பட்டு அதிக விலைக்கு விற்பனை செய்யப்படுவதாக அப்பகுதி காவல் துறையிருக்கு புகார்கள் சென்றுள்ளன.
அதனைத் தொடர்ந்து நாகமலை புதுக்கோட்டை காவல் துறையினர் ரோந்துப் பணியில் தொடர்ந்து ஈடுபட்டு வந்தனர். இந்நிலையில், மதுரை துவரிமான் பகுதியை சார்ந்த, முத்தையா கோயில் எதிரே உள்ள வைகை ஆற்றுப்படுகையில், மாட்டு வண்டி மூலம் அனுமதியின்றி பாண்டி என்பவர் மணல் திருட்டில் ஈடுபட்டதை இன்று கண்டறிந்த காவல் துறையினர், அவரைக் கைது செய்தனர்.