பா.ரஞ்சித்திற்கு முன்ஜாமீன் வழங்கி உயர்நீதிமன்ற மதுரைக்கிளை உத்தரவு!

மதுரை: ராஜ ராஜ சோழன் பற்றி சர்ச்சைக்குரிய வகையில் பேசிய வழக்கில், இயக்குநர் பா.ரஞ்சித்திற்கு உயர்நீதிமன்ற மதுரைக்கிளை முன்ஜாமீன் வழங்கி உத்தரவிட்டுள்ளது.

கும்கோணத்தில் நிகழ்ச்சி ஒன்றில் பங்கேற்க சென்ற இயக்குநர் பா.ரஞ்சித், ‘ராஜ ராஜ சோழனின் ஆட்சிக்காலத்தில் தான் தலித் நிலங்கள் பறிக்கப்பட்டது’ என்ற கருத்தை வெளியிட்டார். இதற்கு தமிழ்நாடு முழுவதும் ஆதரவு, எதிர்ப்பும் கிளம்பின.

இதனையடுத்து பா.ரஞ்சித்தை கைது செய்ய வேண்டும் என தஞ்சை மாவட்ட காவல்துறை கண்காணிப்பாளரிடம், இந்து மக்கள் கட்சியினர் புகார் அளித்தனர்.

இந்நிலையில், தனக்கு முன்ஜாமீன் வழங்கக்கோரி உயர்நீதிமன்ற மதுரைக்கிளையில் இயக்குநர் பா.ரஞ்சித் மனுதாக்கல் செய்தார். இந்த வழக்கை விசாரித்த நீதிபதி, பா.ரஞ்சித்திற்கு முன்ஜாமீன் வழங்கி உத்தரவிட்டார். மேலும் இனிமேல் இது போன்ற சர்ச்சையான கருத்துக்களை தெரிவிக்க கூடாது என நீதிபதி எச்சரித்துள்ளார்.