ஈரோட்டில் போதை மாத்திரை, ஊசி விற்பனை... 2 பேர் கைது...

ஈரோட்டில் போதை மாத்திரை, ஊசி விற்பனை செய்து வந்த 2 இளைஞர்களை போலீசார் கைது செய்தனர்.

ஈரோடு: சாஸ்திரிநகர் பகுதியில் போதை மாத்திரை விற்பனை செய்யப்படுவதாக, சூரம்பட்டி போலீசாருக்கு கிடைத்த ரகசிய தகவலின்பேரில் அங்கு சென்ற போலீசார், சந்தேகப்படும்படி நின்றிருந்த 2 இளைஞர்களை பிடித்து விசாரணை நடத்தினர். அவர்களிடம் நடத்திய விசாரணையில் சாஸ்திரிநகர் வாய்க்கால்மேடு பகுதியைச் சேர்ந்த பிரதாப், கொல்லம்பாளையம் திரு.வி.க.வீதியைச் சேர்ந்த அய்யனார் என்பது தெரியவந்தது.

அவர்களிடமிருந்து ஒரு கஞ்சா பாக்கெட்டும், 30 போதை மாத்திரைகளும், ஒரு போதை ஊசியும் பறிமுதல் செய்யப்பட்டது. அதோடு அவர்கள் 2 பேரும் போதை மாத்திரைகள், ஊசி, கஞ்சா விற்பனையில் ஈடுபட்டுவருவதும் தெரியவந்தது. இதைத்தொடர்ந்து அவ்விருவரையும் கைது செய்த போலீசார் இவர்களுக்கு இவற்றை விநியோகம் செய்த அன்பு என்பரை வலைவீசி தேடி வருகின்றனர்.

இதையும் படிங்க: பாஜக பிரமுகரின் கார் எரிப்பு வழக்கு - ஈரோட்டில் தேசிய பாதுகாப்பு சட்டத்தில் ஒருவர் கைது