கோவை சிவானந்தா காலனியில் உள்ள திருமண மண்டபத்தில் தமிழ்நாடு வணிகர் சங்கங்களின் பேரமைப்பு சார்பில் செய்தியாளர் சந்திப்பு நடைபெற்றது. அதன் மண்டல தலைவர் சந்திரசேகர் செய்தியாளர்களை சந்தித்தார்.
அப்போது பேசிய அவர், “சாத்தான்குளத்தில் தந்தை, மகன் இருவரும் சிறையில் உயிரிழந்த சம்பவம் கண்டனத்திற்குரியது. காவல்துறையினர் அவர்கள் இருவரையும் விசாரணை என்று அழைத்துச் சென்றுபோய் அவர்களை கடுமையாகத் தாக்கியதால்தான் மரணம் ஏற்பட்டிருக்கக்கூடும். மனிதாபிமானமற்ற அந்த காவல்துறையினரின் நடவடிக்கை மிகவும் கண்டனத்திற்குரியது.