கோயம்புத்தூர் மாவட்டம் வேலாண்டிபாளையம் கூட்டுறவு கடன் சங்கத்தில் நகைக்கடன், முதலீட்டு கடன் உள்ளிட்ட கடன்கள் வழங்கப்பட்டு வருகின்றன. இந்த நிலையில் இந்த சங்கத்தில் நகைக்கடன் வழங்குவதிலும், பத்திரத் தொகை கொடுப்பதிலும் மோசடி நடப்பதாக புகார்கள் எழுந்தன.
இதுதொடர்பாக கூட்டுறவுத்துறை அலுவலர்கள் ஆய்வு நடத்தினர். அதில், 2013ஆம் ஆண்டு முதல் 2018ஆம் ஆண்டு வரை ரூ.13 கோடியே 29 லட்சம் மோசடி செய்யப்பட்டுள்ளது தெரியவந்தது. அதனால் அவர்கள், மாவட்ட வணிக குற்றப்புலனாய்வு பிரிவு போலீசாருக்கு புகார் கொடுத்தனர்.