சென்னை: மறைந்த எழுத்தாளர் கி. ராஜநாராயணன் உடலுக்கு தமிழ்நாடு அரசின் சார்பாக மரியாதை செலுத்த முதலமைச்சர் உத்தரவிட்டதற்கு, மதிமுக பொதுச் செயலாளர் வைகோ நன்றி தெரிவித்துள்ளார்.
இதுதொடர்பாக அவர் வெளியிட்டுள்ள அறிக்கையில், "தமிழ்நாடு அரசு வட்டார வழக்குச் சொற்களை இலக்கியத்தில் அறிமுகம் செய்து, ஒரு புதிய எழுத்து நடையை உருவாக்கியவர், கரிசல் இலக்கியத்தின் தந்தை கி.ராஜநாராயண் இறுதிச் சடங்குகளின்போது, தமிழ்நாட்டு அரசின் சார்பில் மரியாதை அளித்துச் சிறப்பித்ததற்கும், கோவில்பட்டியில் அவருக்கு சிலை நிறுவி, மணிமண்டபம் கட்டப்படும் என அறிவித்ததற்காகவும், முதலமைச்சர் மு.க.ஸ்டாலினுக்கு நெஞ்சார்ந்த நன்றியைத் தெரிவித்துக் கொள்கின்றேன்.