சென்னை:பெருநகர சென்னை மாநகராட்சிக்குட்பட்ட 1 முதல் 15 வரையுள்ள மண்டலங்களின் தெருவிளக்கு மின்கம்பங்களில் கேபிள் டி.வி. மற்றும் இன்டர்நெட் வயர்கள் எடுத்துச்செல்ல அனுமதி வழங்கப்பட்டு தடவாடகை வசூலிக்கப்படுகிறது. மேலும், இன்டர்நெட் சேவை நிறுவனங்கள் சார்பில் தனிக் கம்பங்கள் அமைத்தும் இன்டர்நெட் வயர்கள் எடுத்துச்செல்லப்படுகிறது.
ஒழுங்குபடுத்தும் பணி
அதனடிப்படையில், மின்துறை மூலமாக தெருவிளக்கு கம்பங்களில் உள்ள உபயோகமில்லாத மற்றும் தடவாடகை செலுத்தாத கேபிள் டி.வி. மற்றும் இன்டர்நெட் நிறுவனங்களின் 74.60 கி.மீ. நீளமுள்ள வயர்கள் அகற்றப்பட்டுள்ளன. மேலும், 59.91 கி.மீ. நீளமுள்ள வயர்கள் ஒழுங்குபடுத்தப்பட்டுள்ளன.