தூத்துக்குடி ஸ்டெர்லைட் ஆலைக்கு எதிராக நடந்த போராட்டத்தைக் கட்டுப்படுத்த காவல்துறை நடத்திய துப்பாக்கிச் சூட்டில், 13 பேர் 2018ஆம் ஆண்டு கொல்லப்பட்டனர். இதையடுத்து, மாசுக்கட்டுப்பாட்டு வாரிய அறிக்கையின் அடிப்படையில் ஆலையை மூடியது தமிழ்நாடு அரசு. இதனையடுத்து அரசு பிறப்பித்த உத்தரவை எதிர்த்து வேதாந்தா நிறுவனம் சென்னை உயர் நீதிமன்றத்தில் வழக்கு தொடர்ந்திருந்தது.
இவ்வழக்கைச் சென்னை உயர் நீதிமன்ற நீதிபதிகள் சிவஞானம், பவானி சுப்பராயன் அமர்வு 28 நாட்கள் விசாரித்தது. அப்போது ஸ்டெர்லைட் நிர்வாகம், தமிழ்நாடு அரசு, மதிமுக பொதுச் செயலாளர் வைகோ உள்ளிட்டோர் சார்பில் வாதங்கள் முன் வைக்கப்பட்டன. இவ்வேளையில் நீதிபதி சிவஞானம், பவானி சுப்பராயன் ஆகியோர் சுழற்சி முறையில் மதுரை உயர் நீதிமன்ற கிளைக்கு மாற்றப்பட்டனர்.