அண்ணாமலை ஒரு ரவுடி - தேசிய முன்னேற்றக் கழகம் புகார் மனு

தமிழ்நாடு டிஜிபி சைலேந்திர பாபுவை, அவதூறாகப் பேசிய பாஜக மாநிலத் தலைவர் அண்ணாமலை மீது நடவடிக்கை எடுக்கக்கோரி தேசிய முன்னேற்றக் கழகம் சார்பில் புகார் மனு அளிக்கப்பட்டுள்ளது.

சென்னை:தமிழ்நாடு டிஜிபி சைலேந்திர பாபுவை, அவதூறாகப் பேசிய பாஜக மாநிலத் தலைவர் அண்ணாமலை மீது நடவடிக்கை எடுக்கக் கோரி தேசிய முன்னேற்றக் கழகம் சார்பில் புகார் மனு அளிக்கப்பட்டுள்ளது.

இதுகுறித்து தேசிய முன்னேற்றக் கழக நிறுவனத் தலைவர் சிவா பேசுகையில், 'டிஜிபி-யின் கட்டுப்பாட்டில் தமிழ்நாடு காவல் துறை இல்லை என்றும் அவர், சைக்கிளில் செல்லவும் செல்ஃபி எடுப்பதற்குமா டிஜிபி என தமிழ்நாடு டிஜிபி சைலேந்திர பாபுவை, பாஜக மாநிலத் தலைவர் அண்ணாமலை விமர்சித்திருப்பது கண்டிக்கத்தக்கது.

எனவே, அவர் மீது நடவடிக்கை எடுக்க வேண்டும்' என தேசிய முன்னேற்றக் கழகத்தினர் சென்னை பெருநகர காவல் ஆணையர் அலுவலகத்தில் புகார் மனு அளித்துள்ளனர்.

இது தொடர்பாகப் பேசிய தேசிய முன்னேற்றக் கழகத்தின் நிறுவனத் தலைவர், 'தொடர்ந்து ஒரு ஆண்டு காலமாக, இது போன்ற தவறான செயலை பாஜக மற்றும் அதன் கூட்டணிக் கட்சிகள் செய்து வருகிறார்கள்.

மேலும் 2021இல் திமுகவிற்கு மக்கள் மகத்தான வெற்றியைத் தந்துள்ளனர், இதனைப் பொறுத்துக் கொள்ள முடியாமல் பாஜகவினர், இது போன்று செய்து வருகிறார்கள்' எனக் குற்றம்சாட்டினார்.

தேசிய முன்னேற்றக் கழகம்

தொடர்ந்து பேசிய அவர், 'அண்ணாமலை பேசியதை நாங்கள் வன்மையாகக் கண்டிக்கிறோம். அவர் மீது நடவடிக்கை எடுக்க வேண்டும் எனப் புகார் அளித்துள்ளோம். அண்ணாமலை பாஜகவின் மாநிலத்தலைவர் பதவி ஏற்றதிலிருந்து ஒரு ரவுடி போன்று தான் பேசி வருகிறார்' எனவும், அவர் குற்றம்சாட்டினார்.

பின்னர் அண்ணாமலைக்கு பாஜக மாநிலத் தலைவர் என்பதை விட வேறு தகுதி இல்லை எனவும், மக்களைப் பிரித்து மதக் கலவரத்தினை ஏற்படுத்த வேண்டும் என்பது தான் அவரின் எண்ணம் எனவும் கூறினார்.

இதையும் படிங்க:Watch Video: ஆங்கிலத்தை தவறாகப் பேசி மாட்டிக்கொண்ட போதை ஆசாமி!