ரம்ஜான் பண்டிகை கொண்டாட்டம்

சென்னை: இஸ்லாமியர்களின் திருநாளான ரம்ஜான் பண்டிகை நாடு முழுவதும் இன்று உற்சாகமாக கொண்டாடப்பட்டுவருகிறது.

இஸ்லாமிய மக்களின் முக்கிய திருநாளான ரம்ஜான் பண்டிகை ஆண்டுதோறும் கொண்டாடப்படுவது வழக்கம். ஈகை திருநாளாக கடைப்பிடிக்கப்படும் இந்த பண்டிகைக்கு ஒருமாத காலத்திற்கு முன்பாக இஸ்லாமியர்கள் நோன்பு இருப்பதை வழக்கமாகக் கொண்டுள்ளனர். ரம்ஜான் மாதத்தில் பிறை தோன்றும் நாளில் இந்தப் பண்டிகையை மக்கள் கொண்டாடிவருகின்றனர்.

இந்நிலையில் இந்த வருடத்திற்கான முதல் பிறை தென்பட்டதையடுத்து ரம்ஜான் பண்டிகை ஜூன் 5ஆம் தேதி கொண்டாடப்படும் என்று அறிவிக்கப்பட்டது. இதனையொட்டி டெல்லி, மும்பை, ஹைதராபாத், தமிழ்நாட்டின் முக்கிய நகரங்களிலும் சிறப்புத் தொழுகைக்கு ஏற்பாடு செய்யப்பட்டிருந்தது.

அதன்படி இன்று வண்ண விளக்குகளால் அலங்கரிக்கப்பட்ட மசூதிகளில் ஏற்பாடு செய்யப்பட்டிருந்த சிறப்புத் தொழுகையில் ஏராளமான இஸ்லாமியர்கள் கலந்துகொண்டனர்.

இந்தத் தொழுகையின்போது இஸ்லாமியகள் ஒருவருக்கொருவர் கட்டியணைத்து தங்களது வாழ்த்துகளை பரிமாறிக்கொண்டனர். மேலும் புத்தாடைகளை அணிந்தும் இனிப்புகளை வழங்கியும் தங்களது மகிழ்ச்சியை வெளிப்படுத்தினர்.