தமிழ்நாட்டில் மழைக்கு வாய்ப்பு

சென்னை: அடுத்த 24 மணி நேரத்திற்கு தமிழ்நாட்டின் தென் மற்றும் உள்மாவட்டங்களில் லேசானது முதல் மிதமான மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

சென்னையில் வானிலை ஆய்வு மைய இயக்குனர் புவியரசன் செய்தியாளர்களிடம் பேசுகையில்,

’வடமேற்கு வங்கக்கடலில் ஆழ்ந்த காற்றழுத்த தாழ்வு மண்டலம் உருவாகியுள்ளதால், தென் மேற்கு பருவக்காற்று வழுவடைந்துள்ளது. இதன் காரணமாக அடுத்த 24 மணி நேரத்திற்கு தமிழ்நாட்டின் தென் மற்றும் உள் மாவட்டங்களில் ஒரு சில இடங்களில் லேசான முதல் மிதமான மழைக்கு வாய்ப்பு உள்ளது. நீலகிரி, கோவை மலை பகுதிகளில் மிக கன மழைக்கு வாய்ப்பு உள்ளது.

கடந்த 24 மணி நேரத்தில் நீலகிரி அவலாஞ்சியில் அதிகபட்ச மழையாக 41 செ.மீ மழையும், மேல் பவானியில் 22 செ.மீ மழையும், கோவை மாவட்டம் சின்னக்கள்ளாரு மற்றும் வால்பாறையில் 11 செ.மீ மழையும் பதிவாகியுள்ளது.

தெற்கு மற்றும் மத்திய வங்கக்கடல் பகுதியில் மணிக்கு 40 முதல் 50 கீ.மீ வேகத்தில் காற்றுவீசுவதால் அடுத்த 24 மணி நேரத்திற்கு மீனவர்கள் கடலுக்கு செல்ல வேண்டாம்’ என்றார்.