சென்னை ஆழ்வார்பேட்டையில் அமைந்துள்ள மக்கள் நீதி மய்யம் தலைமை அலுவலகத்தில் அக்கட்சியின் தலைவர் கமல் ஹாசன் ஆலோசனை நடத்தினார்.
இந்த ஆலோசனையில், விருகம்பாக்கம் சட்டப்பேரவைத் தொகுதி வேட்பாளர் சினேகன், சிங்கநல்லூர் தொகுதி வேட்பாளர் மகேந்திரன், சைதாப்பேட்டை தொகுதி வேட்பாளர் சினேகா மோகன்தாஸ், அண்ணா நகர் தொகுதி வேட்பாளர் பொன்ராஜ் உள்ளிட்ட பலர் கலந்துகொண்டனர்.
பின்னர் செய்தியாளர்களைச் சந்தித்த மக்கள் நீதி மய்யம் துணைத்தலைவர் பொன்ராஜ் கூறுகையில், "சென்னையில் இருந்து வந்த சில வேட்பாளர்களுடன் ஆலோசனை நடைபெற்றது. தோல்விக்கான காரணம் மற்றும் அடுத்த கட்ட நடவடிக்கை மேலும் நமக்கு வாக்களித்த மக்களுக்கு என்ன செய்ய வேண்டும் என்பது குறித்து ஆலோசனை நடைபெற்றது.
தேர்தல் பரப்புரையில் மக்கள் நீதி மய்யம் தலைவர் கமல்ஹாசனின் குறைவான சுற்றுப் பயணங்கள் தோல்விக்கு முக்கிய காரணமாக அமைந்தது.