சென்னை:விமான நிலையத்தில் அமைச்சர் கே.கே.எஸ்.எஸ்.ஆர். ராமச்சந்திரன் செய்தியாளர்களர்களைச் சந்ததித்தார். அப்போது பேசிய அவர், “வடகிழக்குப் பருவ மழைக்காக முதலமைச்சர் தலைமையில் ஆலோசனை நடந்தது. இதில் அமைச்சர்களும் அனைத்துத் துறை செயலர்களும் கலந்து கொண்டனர். ஒவ்வொரு துறையும் எவ்வாறு நடந்துகொள்ள வேண்டும், ஒவ்வொரு துறையின் செயலாளரும் நேரடியாக பேச வேண்டுமென முதலமைச்சர் அறிவுறுத்தினார்.
முன்னதாக கடந்தமுறை, மழை பாதித்த இடங்களை கவனமாக வைத்து மீண்டும் அந்த இடத்தில் பாதிப்பு வராதவாறு நடவடிக்கை மேற்கொள்ள வேண்டும் என உத்தரவிட்டுள்ளார். சென்னையில் தண்ணீர் தேங்காத அளவிற்கு பணிகள் செய்யப்படும். தமிழ்நாட்டில் உள்ள அனைத்து நகரங்களும் கிராமங்களிலும் பருவமழை பாதிப்பு ஏற்படாமல் இருக்க மாவட்ட ஆட்யர்கள் உள்பட அனைத்து அதிகாரிகளும் தயாராக இருக்க வேண்டும் என முதலமைச்சர் உத்தரவிட்டுள்ளார்.