தர்மபுரி:திமுக மாநிலங்களவை உறுப்பினர் திருச்சி சிவா மகன் சூர்யா பாஜகவில் இணைந்தார். பாரதிய ஜனதா கட்சியின் மாநிலத் தலைவர் அண்ணாமலை முன்னிலையில் ஞாயிற்றுக்கிழமை இரவு கமலாலயத்தில் இந்த நிகழ்ச்சி நடைபெற்றது. திமுகவில் தனக்கு முக்கியத்துவம் வழங்கப்படவில்லை என அவர் அதிருப்தி தெரிவித்திருந்தார்.
இந்நிலையில் தர்மபுரி நாடாளுமன்ற உறுப்பினர் செந்தில்குமார் தனது ட்விட்டர் பக்கத்தில் இதற்குப் பதிலடி கொடுத்துள்ளார். "திமுகவில் எந்த பதவியிலும் இல்லாத ஒருவர் உங்கள் கட்சியில் இணைவதைக் கொண்டாடும் தமிழ்நாடு பாஜகவிற்கு ஒரு தகவல். உங்கள் கட்சியின் இரண்டு சட்டப்பேரவை உறுப்பினர்கள் தொடர்பில் உள்ளார்கள். எங்கள் தலைமை இசைவு தெரிவித்தால் இரண்டு பேரையும் தூக்கிவிடுவோம்" என்று தனது ட்விட்டர் பக்கத்தில் பதிவிட்டுள்ளார்.